Hjelpemiddel har til hensikt å betra funksjonsevna hjå brukar, og lette pleia av sjuke og funksjonshemma. Kommunen låner ut ein del hjelpemiddel gratis ved kortvarige behov eller som ei mellombels løysing. Me låner ut hjelpemiddel i inntil eit halvt år.
Korttidsutlån av hjelpemiddel
Me har eit hovudlager på Hå sjukeheim på Nærbø. Her kan du låna følgande hjelpemiddel:
| Rullestolar | Toalettforhøgjer |
| Rullator | Søsterhjelp |
| Dusjkrakk | Arbeidsstol |
| Gripestang | Preikestol |
| Dusj- og toalettstol | |
Me har og lokale lager ved heimetenesta.
Andre hjelpemiddel til utlån:
| Senger | Me har eige lager for utlån |
| Terskeleliminator | Vaktmeister hjelper til med montering |
| Løftestol | Me har eige lager for utlån |
Har du behov for å låne hjelpemiddel, kontakt Servicetorget på rådhuset, tlf. 51 79 30 00
Brukaren har sjølv ansvar for at hjelpemidla vert levert tilbake.
Elektrisk rullestol og sykkel kan du ikkje låna på korttidsutlån. Her må det søkjast til NAV Hjelpemiddelsentral i Rogaland. Ergoterapeut kan hjelpa deg å søkja.
Har du varige behov for hjelpemiddel (meir enn to år):
Ved varig behov kan du søkja NAV Hjelpemiddelsentral i Rogaland. Ergoterapeut kan hjelpa deg å søkja.
Førespurnad om ergoterapi: Skjema førespurnad om ergoterapi
Send skjemaet til: Hå kommune, Ergoterapiavdelinga, Rådhusgata 8, 4360 Varhaug.
Hugs å:
- signera skjemaet (samtykkeerklæring)
- fylla ut namn på instans/kontaktperson (om du er ein annan enn søkaren)
Desse hjelpemidla (m.a.) kan du verken låna eller søkja om, men må kjøpa sjølve:
- Håndtak (i dusjen, i trappen inne/ute), rekkverk, forhøgingsklossar
Når det gjeld hjelpemiddel for syn og hørsel, må du søkja dette via augelege og hørselsentralen til NAV/trygd.