Slå eit slag for miljøet og gjer hagen din hakket meir berekraftig. Lag deg eit hjørne i hagen din der du kaster molda, plengraset og ugraset, og etter ei stund får du god jord i betaling.

Dersom du vil køyra hageavfallet vekk har du nå fleire moglegheiter:

(du finn bilde av alle mottaka nedst i denne artikkelen)

• Frå 1. mai opnar me tre ubetente mottak for hageavfall, som eit prøveprosjekt. Til og med 30. september kan private hushaldningar/innbyggarar i Hå kasta hageavfall 24/7 i Sirevåg (Nylund industriområde), Stokkalandsmarka industriområde og Varhaug (Tjemslandsmarka industriområde).
• På alle dei tre plassane finn du ein oppmura firkant/utesilo der du kan tøma tilhengeren, bagasjerommet, trillebåra, plastposen eller kva du måtte bruka til å frakta hageavfall med.
• I desse mottaka kan du kasta plengras, ugras, blomar, lauv, små greiner og restane av hekken som du ikkje vil ha lenger. Har du anna avfall enn hageavfall, må du levera dette til gjenvinningsstasjonen på Nærbø.
• I gjenvinningsstasjonen kan du så klart òg levera hageavfall, om det er enklare å reise dit enn til eitt av dei tre sesong-mottaka. Opningstidene finn du på på nettsidene til Hå gjenvinningsstasjon Nærbø

Me sorterer i lag!

PS! Hugs at dei neste vekene er det ein ekstra fridag per veke, så då vert det litt endringar i tømmerutene. Hugs å sjekka tømmekalenderen din før du reiser på hytta!